TRASLADÁMONOS!!

Despois deste tempiño de colaboracións no blogue estralotes decidimos trasladarnos á páxina web do centro onde poderedes seguir informándovos das nosas actividades.

http://www.edu.xunta.es/centros/iesnumero1carballino/

Saúdos, saúde e grazas polo voso seguimento!

FEBREIRO 2014: MES DO CONSUMO RESPONSABLE

O mes de febreiro está adicado ao consumo responsable.

A necesidade de pensar un pouco nos produtos que consumimos e o impacto que ten a súa produción no medio ambiente e nas persoas; a necesidade de reflexionar sobre o impacto da publicidade nos consumidores; a posibilidade de ter os nosos aforros noutro tipo de entidade financieira con diferentes obxectivos aos bancos tradicionais e outros moitos temas fan que sexa necesario abordar o tema do consumo responsable. 

Entre as actividades que se desenvolven este mes destaca a participación do noso centro nas Xornadas de Economía Social organizadas no Carballiño, promovidas, entre outras persoas, por Ricardo Paz. Grazas a el tivemos a oportunidade de contar, o xoves 13 de febreiro, nunha  mesa redonda cos representantes de finanzas éticas que traballan en Galicia: A.I.S. O Peto,  coa intervención de Ricardo Paz; Fiare, con Raquel Doallo, e Coop 57. A actividade programouse para o alumnado de 1º de Bacharelato.

O martes día 11 de febreiro ás 13:35 tivo lugar unha  charla de Gonzalo Gesto, vicepresidente de Panxea sobre as Cooperativas de consumo. A charla durou 50 minutos e estivo dirixida ao alumnado de 4º da ESO.


Haberá tamén actividades nas titorías: dinámicas interactivas, documentais e moitas cousas máis.


http://www.proyectofiare.com/web/
http://www.opeto.org/
http://www.coop57.coop/

XANEIRO: MES DO MEDIO AMBIENTE NO IES Nº1 DO CARBALLIÑO

A Exposición “O noso mundo, o noso futuro, a nosa opción”, cedida polo CEIDA (Centro de Extensión Universitaria e Divulgación Ambiental de Galicia) estará ao longo de todo o mes de xaneiro no IES nº 1 do Carballiño. 

A mostra pretende establecer a evolución do clima, analizar as causas do efecto invernadoiro e o quecemento do planeta incluíndo as emisións que se producen na comunidade galega. Repasa así mesmo as iniciativas internacionais que pretender paliar as graves consecuencias do cambio climático e as medidas que desde a escola poden levarse a cabo.

A exposición insírese dentro das actividades organizadas con motivo do Mes do Medio Ambiente, este curso adicado ao cambio climático. Outras actividades que incidirán nesta temática serán charlas, proxección de varios documentais, entre eles o oscarizado documental “Unha verdade incómoda”, de Al Gore, Premio Nobel da Paz 2007, compartido co Grupo Intergubernamental de Expertos sobre o Cambio Climático. 

Desenvolverase  tamén unha campaña de reciclaxe que se estenderá ao longo de todo o curso.

Todas estas actividades teñen como obxectivo tomar conciencia sobre a necesidade de modificar hábitos de vida e así contribuír á saúde do planeta.

Ti tamén podes facer moito!!!!